LAOAG CITY – Imbasura ti Korte Suprema dagiti petision da Atty. Vic Rodriguez, Berteni Cataluña Causing ken Atty. Ernesto Francisco Jr. kontra iti baro a ‘voting threshold’ ti Senate Impeachment Court.
Dagiti nadakamat a nangipila ti petision ket agpapadada nga mangkweskwestion iti nagbalin nga interpretasion ti Senado mainaig iti kasapulan a ‘two-thirds vote’ tapno maaddaan ti ‘conviction’ ti maysa nga ‘impeachment case’.
Maipalagip nga idi Setiembre 23, nagbobotosan iti Senado a dagiti ‘legally’ ken ‘actually able to participate’ kadagiti panagdengngeg laeng ti nasken a makabotos.
Kalpasan iti daytoy, pinaawan-bisa daytoy da dati nga Executive Secretary Vic Rodriguez ken Atty. Ernesto Francisco iti Korte Suprema.
Mainaig iti daytoy, inpetteng ni Berteni Cataluña Causing a masapol a maibilang latta dagiti senador kadagiti nasken nga agbotos uray man pay dagitoy ket aglemlemmeng, nakabalud wenno adda sakitna.
Nupay kasta, imbasura ti Korte Suprema dagiti agsina a petision, no sadinno segun iti korte, awan ti naan-anay nga ‘standing’ ken premature dagitoy.
