LAOAG CITY – Maiyur-uray ti schedule para iti pannakaiwayat ti Basic Orientation Course kadagiti baro a naelektaran nga opisyal ditoy ciudad ti Laoag.
Daytoy ti inpakaammo ni Miss Chariz Garma, ti mangidadaulo iti Department of the Interior and Local Government ditoy ciudad.
Kuna na a ti nasao nga aktibidad ket para kadagiti baro nga opisyal tapno maiyadal kadakuada dagiti nagduduma a banag a makatulong kabayatan ti panagtakem da.
Inbatad na a maamoan to pay iti maisayangkat nga aktibidad dagiti programa a kalikagom nga iprayoridad ti lokal a gobierno ken no ania dagiti misyon a kalikagom da a magun-od.
Innayon na a ditoy a maadal no ania dagiti napintas nga aramiden tapno masigurado a magun-od amin dagitoy.
Inpakaammo na a ti orihinal nga schedule ket Agosto 4-14 ngem naitantan isut gapuna a maiyur-uray ti final schedule.
