LAOAG CITY – Maad-adal ti posible a pannakaipaay ti scholarship program para kadagiti estudyante a mangala iti kurso a medisina.
Daytoy ti kinumpirmaran ni Sangguniang Panlungsod Bismark Quidiang iti siudad ti Batac, ti mangidadaulo ti Committee on Education.
Sagun ken ni Quidang, nu mapagbalin ti nasao a ganuat ket dakkel a tulong daytoy kadagiti agakalikagom nga agbalin a doktor kangrunaan na dagiti awanan iti biag.
Mainaig iti daytoy, ibatad na a dakkel a pammaneknek nga addaan ti probinsya ti College of Medicine partikular iti Mariano Marcos State University iti siudad ti Batac gapu kadagiti kabaroan a nakapasa iti March 2021 Physician Licensure Examination.
Innayun na a kayat na laeng a sawen daytoy ket adda ti pagadalan a mangididiaya ti dekalidad nga edukasyon isut gapu na a masapol a masuportaran daytoy.
