LAOAG CITY – Nangipaay iti lokal a gobierno ti ili ti Vintar babaen ken ni Mayor Richard Degala iti school supplies ken dagiti dadduma pay a kasapulan dagiti agad-adal kadagiti amin pagadalan iti nadakamat nga ili.
Daytoy ti inpkaammo ti mayor iti kalpasan nga inawat dagiti school authorities pakairamanan dagiti agad-adal ken dagiti nagannak iti pannakaipay ti school supplies ken cleaning materials kadagiti padagalan.
Mainaig iti daytoy nakipagpaset iti nadakamat a programa ni Vice Mayor Maribel Albano ken ti Sangguniang Bayan Members iti nadakamat nga ili.
Kinunana a dagiti naipaay a school supplies ken cleaning materials ket naipaay kadagit estudiante manipud iti day care, kindergarten, elementary ken secondary.
Innayonna gagem ti lokal a gobierno babaen ken iti Vice Mayor a maipaayan ti tulong dagiti amin a pagadalan iti kada tawen.
Kunana a dakkel a tulong daytoy para kadagiti nagannak nangruna kadagiti agad-adal iti nadakamat nga ili.
Kabayatanna, inapanamnama ti mayor nga adado pay ti maipaay a tulong kadagiti pagadalan inton sumarsaruno a tawen gapu ta dakkel a tulong dagitoy para kadagiti pagadalan nangruna kadagiti estudiante.
