LAOAG CITY – Maragsakan ni Atty. Donato Balderas Jr., ti Schools Division Superintendent ti Department of Education – Ilocos Norte ti plano a pannakaipangato ti sueldo dagiti mangisursuro kangrunaanna kadagiti Teacher I agingga Teacher III.
Nupay kasta, kunana a masapol pay laeng nga umuna a maadal daytoy a naimbag iti maseknan a komite iti Kongreso tapno napinpintas ti pannakaipatungpalna.
Inbatadna a babaen iti panangtingiting daytoy a gannuat ket makita no kabaelan ti ekonomia ti pagilian a mangnayon ti sueldo dagiti mangisursuro.
Kabayatanna, mamati ni Atty. Balderas Jr. a saan nga umdas ti agdama a sueldo dagiti maseknan a mangisursuro nangruna ket sumagmamano kadagitoy ket naasawaan wenno addaan ti bukud a pamilia.
