LAOAG CITY – Im-imbestigaren ti PNP-Pagudpud ti dua a lallaki kalpasan a naduktalan a nagala da kadagiti scrap materials iti daan a tourism building ti Tourism Infrastructure Enterprises and Zoning Authority (TIEZA) a masarakan iti Sitio Banua, Brgy. Balaoi, iti nasao nga ili.
Nabigbig dagitoy a da JAYMARK ADVINCULA y RILLON, agtawen ti 27 addaan iti live-in partner, tubo iti Caoayan, Isabela ngem agdama nga agin-indeg iti Brgy. Baduang ken ni LEO DAET y BAYUNA, agtawen iti 38, naasawaan self-employed, tubo ti Tulonan, North Cotabato ngem agin-indeg iti Brgy. Caparispisan, iti nasao nga ili.
Iti inisyal nga imbestigasyon ti PNP Pagudpud, inbaga ni Advincula a pinalubusan isu na ti agnagan ti Imelda Imee Benemeritu Llanes, agtawen ti 43 naasawaan, negosyante ken resident ti Poblacion 2, iti nasao pay la nga ili tapno agala da ti scarp materilas iti nasao a building kas kasukat iti panagbayad da a 20 a ribo a pisos.
Ni Advincula ti nasabaten ti PNP nga agpapaabagatanen a direksiyon oggor na ti maysa a kurongkurong a nagkarga kadagiti scrap materials nga agdagsen iti agarup 150 kilograms.
Nadanuen met dagiti pulis ni Daet iti nasao a pasdek nga adda kenkuana dagiti tools/instrument nga ar-aramaten daiti panagputed kadagiti nasao a materiales
Segun iti PNP-Pagudpud nupay adda innagan ni Advincula a tao a nangipalubos nga agala da kadagiti scrap materials iti nasao a building ket agimnbestigar da pay laeng ken ti kurongkurong a nasaed ket na-impound.
