LAOAG CITY – Natay ti maysa a seaman kalpasan a nagbekkel iti Brgy. Susugaen iti ili ti Pasuquin.
Nabigbig ti biktima a ni Earvin Garcia y Dancel, agtawen 32, naasawan, ken residente iti nasao a barangay.
Segun kenni Police Corporal Jordan Agraan iti PNP Pasuquin, inbitin ni Garcia ti bagbagi na iti uneg ti kwarto na usar na ti tali.
Naamoan a manipod alas-otso idi rabii agingga itay bigat ket saanen a rimrimuar iti kwarto na.
Gapu iti daytoy, pinilit ti pamilya na a linukatan ti ridaw ti kwarto na ket dita a naduktalanda a nakabitin ni Garcia.
Rumrumuar a saan pay nailiwliwag ti biktima iti ipupusay ti ama na itay napan a tawen isut gapu na a nagbekkel.
Iti agdama, agtultuloy ti imbestigasyon iti PNP Pasuquin seknan iti nasao nga insidente.