LAOAG CITY – Natay ti maysa a seaman kalpasan a napukawan ti kontrol iti minaneho na a motorsiklo iti Brgy. 5, San Ramon iti ili ti Vintar.
Nabigbig ti biktima a ni Ivan Morris Canlas, agtawen ti 27, naasawaan, seaman ken residente iti nadakamat a barangay.
Basar iti inisyal nga imbestigasyon, nagresponde dagiti kameng ti Vintar Municipal Police Station agturturong ti biktima iti daya direksyon iti kalsada a sakupen ti bisinidad ti Brgy. 5, ngem kellaat a napukawan daytoy ti kontral iti steering bar ti motorsiklo na rason a naidungpar isuna iti poste ti kuryente.
Kas resulta, nagsagaba ti biktima ti nagduduma asugat iti bagi na ken indeklara ni Municipal Health Officer Dr. Heidi Maritha Albano a dead on the spot daytoy.
Kabayatanna, naamuan nga awan ti su-ot ti biktima nga helmet ken adda impluwensya na ti nasanger.
