LAOAG CITY – Pinaiget ti Philippine Coast Guard (PCG) ti search and rescue operation para kadagiti walo a mapukpukaw a pasahero ti M/V June Aster iti kabaybayan ti Calanhayaun Island, Barangay Tara, Coron.
Mainaig iti daytoy, nangiwayat ti maritime ken foot patrol ken shoreline monitoring dagiti kameng ti Coast Guard District Palawan, Disaster Response Group ken Special Operations Group, pakairamanan ti crew ti BRP Suluan ken ti Marine Environmental Protection-Northeastern Palawan.
Nagusar ti Philippine Coast Guard ti HSRB-011, rubber boats ken drones para iti search ken aerial surveillance iti kabaybayan dagiti kabangibang a lugar.
Segun iti Philippine Coast Guard, awan ti nakitada nga oil sheen iti lugar.
Agtultuloy ti panangbirok ken panang-rescue ken ti maritime response operations agingga a makumpletoda dagiti indibidual a masapolda a mabirokan.
Maipalagip a nauram ti M/V June Aster iti kabaybayan ti Coron idi napalabas a lawas a nakatayan dagiti sumagmamano a pasahero ken crew, pakairamanan dagiti indibidual a manarimaan pay laeng a mabirbirok
