LAOAG CITY – Agpada a nag-negatibo ti resulta ti naiwayat a Search Warrant Operation dagiti kameng ti PNP-Badoc ken nakibinnuligan ti PNP Prov’l Office kadagiti dua a Bgy. Chairman ti nasao nga ili.
Nabigbig dagitoy a da Bgy. Chairman Joseph Palafox iti Bgy. 7-B Sta Cruz ken ni Bgy. Chairman Basilio Pagdilao iti Bgy. Valvaldez.
Segun ken ni P/C/Inps. Arnel Tabaog, Chief of Police ti nasao nga ili, M 16, caliber 45 ken caliber 38 revolver a paltog ti subject ken ni Palafox idinto a ni Pagdilao ket M16 ken caliber 45 a paltog.
Kuna ni Tabaog, natallugod dagiti dua nga opisyal idi inwayat da ti operasyon ket nasayaat gapu ta negatibo ti resulta na.
Nagyaman da Palafox ken ni Pagdilao iti resulta ti operasyon gapu ta napaneknekan nga awan ti ilemlemmeng da napipigsa ti kalibre na paltog.
Kuna da a sapay ta nalawlawagan no siasinno man ti nagisuplong nga addaan da ti paltog gapu ta ni lesensiyado a paltog ket awanan da pay.
Mamati ni kapitan Pagdilao a dagiti nagisuplong ket dagiti sinita da itay kallabes a nagsusugal iti barangay da.
