LAOAG CITY – Balligi ti naiyuswat a search warrant operation iti maysa pagtaengan iti Brgy. 41-Balacad ditoy siudad ti Laoag.
Nabigbig ti subject ti operasyon a ni Darwin Paragas, agtawen ti 33 ken maysa a driver.
Iti panagsukimat dagiti otoridad iti pagtaengan ni Paragas, nabirokan ti calibre 45 a paltog ken lima a bala daytoy a nakapaipit iti kudson ken lima pay a bala manipod iti maysa a durabox.
Naamoan nga inyetnag ti RTC Branch 12 ditoy siudad ti Laoag ti search warrant.
Kabayatanna, rumrumuar nga addan ti immuna a kaso ni Paragas gapu iti carnapping idi 2010 ken nawaya-wayaen manipod iti pagbaludan addan tallo a tawen ti napalabas.
Padaanan dagiti ad-ado pay a detalye.
