LAOAG CITY – Negatibo ti insayangkat a search warrant operation dagitikameng ti PNP-Badoc ken CIDG-Provincial Intelligence Unit iti paset ti Barangay Paltit iti ili ti Badoc.
Daytoy ti inbatad ni Police Capt. Joseph Tayaban, ti chief of police iti ili ti Badoc.
Inlawlawag iti Bombo Radyo Laoag ni Tayaban, inbaga na a nailanad iti search warrant a ti sapulen da ket caliber 22, caliber 45 ken bala.
Nupay kasta, ti laeng nakita da iti balay ti subject iti operasyon a ni Fred Pajigal, dati a soldado ket maysa nga airgun.
Inbaga na a negatibo ti operasyon gapu ta saan a maibilang nga illegal ti airgun.
Innayon na nga immunan nga adda ti dua a karruba ni Pajigal a nangireklamo kenkuana.
Kuna ni Tayaban a nagreklamo ti maysa a karruba na gapu iti maipagarop a panangpaltog na ti balay na idinto a ti maysa ket maipagarop a pinaltugan na met ti taraken na nga aso usar ti kalibre 45 a paltog.
Inpakaammo ti opisyal nga awan met ti rekord ni Pajigal kadagiti criminal groups.
