LAOAG CITY – Balligi ti naisayangkat a search warrant operation iti Brgy. 29 Pasngal iti ili ti Bacarra.
Nabigbig ti subject ti operasyon a ni Mark Joseph Subia y Aranda, maysa a mannalon ken iti nasao a barangay.
Ti warrant of arrest ket inpaulog ni Judge Nida Alejandro, ti Presiding Judge ti RTC Branch 12, Laoag City gapo iti panaglabsing iti RA 10591.
Nakumpiskar dagiti otoridad iti pagtaengan ni Subia ti maysa a nangisit ti kolor a pouch a naglaon ti lima a bala ti kalibre 45 a paltog, maysa a magazine ti kalibre 45 a paltog nga addaan ti lima a bala.
Naamoan a ti subject ti operasyon ket awan iti pagtaengan na wenno saan a nagpakita idi naiyuswat ti operasyon agingga a nalpas.
