LAOAG CITY – Kinumpirmaran ni Dr. Shirley Agrupis, Presidente iti Mariano Marcos State University (MMSU) nga agatendar ni Presidential Communications Operations Office Sec. Martin Andanar iti PCOO road show iti nasao nga unibersidad.
Immunan a kinumpirmaran ni Agrupis a simmangpet ni Andanar ditoy probinsya iti oras ti alauna idi malem ken nagdiretso iti maysa nga hotel iti ili ti San Nicolas.
Naamoan a ti aktibidad nga atendaran ni Andanar ket maiyuswat iti function hall ti nasao nga unibersidad.
Segun ken ni Agrupis, agpabuya dagiti estudyante da ita bigat ken intono malem ket isu ti pannakaisayangkat ti multi sectoral forum.
Innayon na a dagiti topiko a mapagsasaritaan ket maipanggep ti Freedom of Information (FOI), Rehabinasyon Gender Equality, End Terrorism, ken dadduma pay.
Kabayatanna, inpasingked ni Pol Capt. Johnwen Balueta, ti chief of Police iti ciudad ti Batac ti panangipaay da ti seguridad para iti grupo ni Andanar kabayatan ti panagpasyar da iti riverside empanadahan iti ciudad ti Batac.
