LAOAG CITY – Simmango iti witness stand ni Securities and Exchange Commission (SEC) Director Gerardo del Rosario para iti agtultuloy a cross-examination ti defense team ni Bise Presidente Sara Duterte iti Senado.
Ni Del Rosario ti nagserbi kas maika-dua a testigo ti House prosecution panel tapno mangibitla ti testimoniana mainaig iti kinaawan ti probision para iti divestment dagiti negosio ken interes.
Iti umuna a paset ti trial ita nga aldaw, insigida a simmango ni Del Rosario iti cross examination ni atty. Justin Nicol Gular ti depensa.
Inaramat ti prosekusion ti nagbalin a rakurakna ken dagiti dokumento manipud iti Securities and Exchange Commission tapno suportaran dagiti probision iti impeachment complaint a mangakakusar iti bise presidente mainaig iti maipagarup saan a mailawlawag a kinabaknangna ken ti posible a panaglabsingna iti probision ti Saligang Batas.
Iti napasamak a panagsaludsod, sinaggesa dagiti abogado ni VP dagiti legal nga argumento tapno kwestionaran ti kredibilidad dagiti agbalin a rakurakna ken dagiti sertipiko nga iprisintar ti nasao nga opisial ti SEC.
