LAOAG CITY – Awan ti plano ni Department of Public Works and Highways (DPWH) Secretary Vince Dizon nga agpaidasig iti nangatngato a posision inton 2028 national elections.
Inbatadna a saan nga agkandidato daytoy inton eleksion gapu ta saan met a pulitiko.
Kunana a planona nga agsubli iti pribado a sektor no bilang malpasen ti akemna kas sekretario ti Department of Public Works and Highways.
Nupay kasta, inpasingkedna a nakasagana isuna nga agserbi no bilang ikiddawda daytoy kenkuana.
Maipalagip a ni Dizon ket immuna a dinutokan ni Presidente Ferdinand Marcos Jr. tapno agbalin a sekretario ti Department of Transportation (DOTr) no sadinno a nakaawat isuna ti napintas a feedback iti publiko gapu iti napintas a panagtrabahona.
Kabayatanna, idi bimtak ti isyu ti maanomalya a flood control projects, ni Dizon pay ti napili ti Presidente a mangidaulo iti Department of Public Works and Highways tapno dalusan ti ahensia manipud kadagiti maanomalya a mapaspasamak.
