LAOAG CITY – Nagpanawagan ni Presidential Adviser on Poverty Alleviation Secretary Larry Gadon kadagiti otoridad nga iyakar ni Ramil Lagunoy Madriaga, ti detained whistleblower, iti maysa a nataltalged a pasilidad kalpasan ti panagpila na ti affidavit a nangibagaan na a ti kwarta nga inusar ni Vice President Sara Duterte iti panagkampanya na idi 2022 ket maipagarop a naggapo ti kadagiti Philippine Offshore Gaming Operators (POGOs) ken dagiti drug financiers.
Segun ken ni Gadon, kangrunaan nga isyu iti agdama ket ti seguridad ni Madriaga gapu iti kadagsen dagiti akusasyon ken ti peggad a sangsangwen ti maysa a balud a mangak-akusar kontra iti nabileg a tao.
Nagballaag pay ni Gadon a mabalin a maisagmk wenno mapatay ni Madriaga iti uneg ti pagbaludan no saan nga agbalin a naiget ti seguridad.
Innayon na nga adda dagiti senyales a possible nga adda ti pangta iti biag ni Madriaga basar iti affidavit na.
Malaksid kadagiti isyu ti seguridad ti whistleblower, nadakamat pay ni Gadon a dagiti alegasyon ket kasapulan ti naan-anay nga imbestigasyon, ken inpetteng na a ti panagawat ti campaign contributions manipod kadagiti POGOs ken dagiti illegal a naggapwan ti kwarta ket saan laeng a mailabsing iti linteg no di ket mangitunda kadagiti pangta iti national security.
Innayon ni Gadon a ti panagawat kadagiti donasyon manipod iti POGOs ken dagiti drug-related a naggapwan ket mangpakapuy iti integridad ti eleskyon ken mangitunda ti panagamak iti possible nga impluwensya dagiti gangannaet, aglalo kadagiti alegasyon nga addaan ti koneksyon kadagiti POGOs iti China.
Mainaig iti daytoy, nagpanawagan met ni Manila 6th District Rep. Bienvenido “Benny” Abante Jr., tiimbestigasyon ken kunana a kasapulan a tutukan dagiti detalyado a rakurak ni Madriaga.
Ni Madriaga, a maysa a self-proclaimed “bagman,” ket nangipaay ti detalyado a rakurak iti pahayag sa kanyang notarized affidavit na may petsang Nobyembre 29, 2025.
