LAOAG CITY – Nagpalagip ti Securities and Exchange Commission babaen kenni Atty. Patricia Paola S. Rillon, ti Securities Counsel kadagiti umili nga agannad kadagiti pagtaltalkan nangruna kadagiti agaw-awis ti investment.
Kunana nga adda ti maysa nga unauthorized investment scheme a naduktalan ti opisina da idiay Isabela a daytoy ket ti Fidelity Capital Investment Group, no sadinno nga adda dagiti nagbalin a biktima da.
Segun kenkuana, aktibo ti komisyon nga agmonmonitor kadagiti investment scheme.
Inlawlawag na a gapu kadagiti moderno a teknolohiya ket ad-adda pay a nagbalin nga agresibo dagiti scammers ngem inpasigurado na a no kasano ti kina-agresibo da ket ad-adda pay nga agresibo ti Securities and Exchange Commission a mangduktal ken mangipila ti kaso kadagiti scammer.
