LAOAG CITY – Sumango ni United States Secret Service Director Kimberly Cheatle iti House Oversight Committee kalpasan a nagpatawag ti US congress ti inquiry seknan iti pannakapaltog ni dati nga US President Donald Trump.
Inbatad ni House Oversight Chairman James Comer a ti panagdengngeg ket agbalin nga extensive ken detalyado.
Innayon na nga inpasigurado kenkuana ni Cheatle nga agatendar ken nakasagana a mangsungbat iti aniaman a saludsud kenkuana uray umabot pay iti innem nga oras ti panagdengngeg a mangrugi ita nga aldaw ti martes.
Maipalagip a naruay dagiti nangbabalaw iti US Secret Service gapu iti panagkurkurang dagitoy iti panagkalap ti impormasyon seknan iti gandat a pannakapapatay ken ni Trump bayat ti panagkampanya na idiay Pennsylvania.
