LAOAG CITY – Napilaan ti kaso a qualified theft ni Agnes Manalo a residente iti Brgy. 8 ditoy ciudad ti Laoag, maysa a secretary/cashier iti maysa a Jewelry Shop ditoy ciudad.
Daytoy ket kalpasan a nagkamang iti PNP ni Mr. Asuncion Fariñas, 69, manager ti Fariñas Jewelry Shop ken residente iti Brgy. Barit ditoy ciudad kalpasan a saan nga inremit ni Manalo ti collection da nga umabot ti P5,300.
Basar iti imbestigasyon, naduktalan ni Jennifer Garingan, cashier iti nasao a jewelry shop a mapukpukaw ti collection ti sales da kabayatan iti panaginventory na.
Nupay kasta, inadmitir ni Manalo iti inaramid na a saan na a panangiremit.
Inkari ti suspek a bayadan na iti nasao a gatad ngem napaay nga insubli na iti kwarta.
Rumrumuar a datin nga ububraen ni Manalo iti saan na a panangiremit ti collection ngem kanayon a pakpakawanen daytoy ti manager.
