LAOAG CITY – Inlawlawag ni Atty. Joel Gines, ti Commission on Election supervisor ditoy probinsya a sipud nangrugi ti election period ket adda ti resolusyon da a ma-recall amin a police security detail dagiti kandidato.
Kuna na a mabalin met nga agaplikar ti exemption dagiti indibdiwal a sumangsango ti security threats.
Nupay kasta, inbatad ni Atty. Gines a sakbay a maipaayan ti security ti maseknan a kandidato ket masapol a mapaneknekan na nga umuna a daytoy ket addaan ti pangta iti biag.
Innayon na a kasapulan nga ivalidate ken i-assess a naimbag ti Philippine National Police no pudno nga adda ti pangta iti biag ti maysa nga aplikante sakbay a maipaayan ti security detail.
Reaksyon daytoy ni Atty. Gines kalpasan a nagsinnungbat ti local chief executive ken ti chief of police ditoy ciudad ti Laoag maipanggep iti pannakaikkat dagiti security detail ti mayor.
