LAOAG CITY – Naipangta dagiti dua a babbai ken maysa a lalaki babaen ti security guard iti paset ti Barangay 47, Calayab ditoy ciudad ti Laoag.
Nabigbig ti security guard a ni Rodel Daludao y Eda, 49, naasawaan ke residente iti Brgy. 30 iti ili ti Pasuquin idinto a dagiti biktima ket da Jeaneth Calaoagan, 57, residente iti Barangay Bengcag; Alvin Fernando Lorenzo, 41, negosyante, taga Barangay 22 ditoy ciudad ken ni Mylene Ligsay, 26, residente iti Barangay Bacsil iti ili ti Paoay.
Napasamak ti maipagarop a panagipangta idi Agosto 19 ita a tawen bayat nga adda dagiti biktima iti Barangay Calayab tapno bisitaen ti lote ni Calaoagan.
Basar ti report, bayat nga adda dagiti biktima iti nasao a barangay ket pinangtaan ni Daludao ken iggem na ti service firearm na a shotgun.
Nupay kasta, inanawa ti agnagan ti Reymar Cabatin, maysa met laeng a security guard ni Duladao kalpasan ket pimmanaw da iti lugar.
Rumrumwar a ti rason ti maipagarop a panangipangta ket pakaseknan iti riri ti daga.
