LAOAG CITY – Nagtalinaed iti kustodyar ti PNP-Laoag ti maysa a security guard kalpasan a natiliw gapu iti panagpaputok na ti paltog ditoy ciudad ti Laoag.
Nabigbig daytoy a ni Larsean dela Cruz y Acoba, agtawen iti 25, baro ken residente iti Barangay 47, Pila ditoy ciudad ti Laoag.
Natiliw ni dela Cruz babaen ti bileg ti maysa a warrant of arrest nga inparukat ni Hon. Judge Jonathan Asuncion iti MTCC Branch 2 ditoy ciudad ti Laoag.
Nairekomendar iti 12 a ribo a pisos a pagpiyansa na para ti temporaryo a pannakawaya-waya na.
