LAOAG CITY – Nagsagaba ti sugat iti nagduduma a paset ti bagi ti maysa a security guard kalpasan a nadesgrasya iti Barangay Camangaan ditoy ciudad ti Laoag.
Segun kenni Police Master Sergeant Melmar Antonio, duty investigator iti PNP-Traffic Division, bayat nga agpadaya ti biktima ket nadungpar na dagiti barikada iti matartarimaan a linya ti Prime Water.
Gapo iti daytoy, na-slide ti biktima a nangitunda ti pannakasugat iti nagduduma a paset ti bagi na.
Naamoan a ti biktima ket agawid kuma iti ili ti Sarrat ken nakainom daytoy iti nasanger idi napasamak ti desgrasya.
