LAOAG CITY – Posible a nailibay ni Francis Castro, agtawen ti 30, maysa a Security Guard ken agnaed iti Bgy. 10 Sarrat Ilocos Norte, bayat a nakalugan iti motorsiklo na ken naidungpar na ti poon ti kayo nga adda iti bangir a kalsada.
Daytoy ti kinumpirmaran ni P/Insp. Joe Saat, Deputy Chief of Police ti nasao nga ili.
Kuna na nga indeklara ti doctor iti nangitarayan da nga hospital a natayen daytoy gapu ta nakaro ti sinagaba a sugat iti mismo nga ulo na ken naboong pay ti helmet na.
Innayon ti Deputy Chief of Police a nagduty ni Castro idi rabii ket idi agawid itay bigat agarup alas 10:50 idi maaksidente.
