LAOAG CITY – Natay ti maysa a security guard kalpasan a nadesgrasya ti nagluganan na a motorsiklo iti paset ti Barangay Apaya ditoy ciudad ti Laoag.
Nabigbig ti biktima a ni Allen Martin, agtawen ti 20, baro, maysa a security guard ken residente met laeng ti nasao a barangay.
Segun ti imbestigasyon ti PNP Traffic-Division, bayat ti panagpadpadaya na a direksyon ken napukawan ti control iti iturturong na a motorsiklo a nangitunda ti pannakatennag na ti piskarya.
Naamoan nga iti pannakatennag ni Martin ket naitupar ti ulo na ti bato.
Naitaray ti biktima iti Laoag City General Hospital (LCGH) ditoy ciudad ti Laoag ngem naideklara a dead on arrival.
