LAOAG CITY – Natiliw ti maysa a security guard iti Brgy. 23 iti ili a San Nicolas kalpasan a nakumpiskar kenkuana iti maysa a 4 shooter caliber 22 babaen iti entrapment operation ti PNP.
Nabigbig daytoy a ni Junerick Lagat, 32 ken residente iti nasao a barangay.
Segun iti PNP, ilako ni Lagat ti nasao a paltog iti balor a sangaribo a pisos iti police a nagserbi a poseur buyer.
Malaksid iti nasao a paltog, narekobre pay iti suspek ti 8 a live ammunition ti magnum 22 ken 3 nga ordinary ammunition ti caliber 22.
Insigida a naipadalan ti eksaminasyon ni Lagat iti Gov. Roque Ablan Sr. Memorial Hospital kalpasan a natiliw.
