LAOAG CITY – Inpasingked ni Pol. Chief Inspector Rely Layug, ti pannakangiwat ti Ilocos Norte Police Provincial Office ditoy probinsya a naiget a maipatungpal ti seguridad iti Marcos Stadium a pakaiyuswatan ti Tan-Ok Festival of Festivals intono rabii.
Daytoy ket gapo ta agamak ti PNP a mapasamak ti kas ti pannakapabettak ti maysa a simbaan idiay Jolo, Sulu itay kallabes.
Inbatad ni Layug a maideploy dagiti 445 a police personnel ken dagiti Barangay Peacekeeping Action Team (BPATS) tapno masigurado ti seguridad dagiti tattao a makipagpaset ken mapan agbuya iti Tan-Ok Festivals.
Inbalakad pay ni Layug iti publiko a saan da nga agitugot ti anyaman a banag a possible a makaitunda ti desgrasya.
Mangnamnama ni Layug nga awan ti agbalin a problema kabayatan ti pannakaiyuswat ti nasao nga aktibidad.
