LAOAG CITY – Nagduduma ti maipapaay a seguridad a kadagiti nagduduma a bangko kadagiti kliyente da apaman a sumrek, madama ti transaksiyon agingga a malpas.
Daytoy ti inbatad ni Mr. Ronald Mandac dati a Pres. ti Bankers Association of Laoag City and Ilocos Norte Chapter (BALCIN) kas reaksiyon na iti napasamak a “robbery holdup” ti maysa a bangko idiay Tuguegarao, Cagayan.
Segun ken ni Mandac, aniaman ti transaksiyon dagiti kliyente da, kas koma no ag-deposito wenno ag-withdraw dagitoy ket maipaayan da ti seguridad da.
Kuna na nga awan met ti makaammo no mano ti ti “involved” a kantidad no saaan laeng a ti manager ken iverify ti cashier ken ti accounting ken saan a mabalin nga ibaga da dagiti tattao nga adda iti transaksiyon na.
Masapul pay ti dual wenno backup dagiti account tapno adda mang-counter no adda tumaod a problema.
Kuna pay ni Mandac a no seguridad ti kuwarta, normal nga adda volt iti uneg ken adda cctv na ken iti ruar ket adda dagiti guwardiya a mangkita ti seguridad kadagiti empleyado ken sanikua ti bangko.
Kuna na pay nga amin a records kadagiti bangko ket matrato a sekreto.
Daytoy ket nakaisaguday ti RA 1405 wenno Bank Secrecy Law, a saan a mabalin nga ibulgar no siasinno dagiti kliyente da malaksid no adda pammalubos ti kliyente.
