LAOAG CITY – Naiget ti panangipapaay ti puersa ti PNP Paoay iti seguridad para kadagiti agturturong a turista iti nasao nga ili.
Daytoy ti inbatad ni Police Sr. Insp Granduer Tangonan, hepe ti PNP Paoay.
Kuna na nga ipapaayan da ti seguridad ti simbaan, ti malakanyang of the north ken iti lugar ti 4×4 a kangrunaan a pasyaren dagiti turista.
Iti panagadu dagiti turista iti nasao nga ili, inpasingked ni Tangonan ti panagdouble time dagiti pulis wenno 24/7 ti panangipaay da ti seguridad.
Inbatad ni Tangonan a nasken a maaddaan ti police desk kadagiti lugar a bisitaen dagiti turista.
Nakasaritan ti PNP Paoay dagiti force multiplier kadagiti maseknan a barangay.
Kabayatanna, nagpalagip ni Tangonan nga agtultuloy ti panangipatungpal da ti naiget a kampanya kontra ti iligal a sugal, iligal a panagikot ti paltog, ken iligal a panagkalap.
Daytoy ket mainaig ti pannakatiliw dagiti tallo a drayber ti jeep a nagsusugal.
Segun kenni Tangonan, nagtalinaed dagiti tallo a driver ti jeep iti kustidyar ti PNP Paoay bayat a maisagsagana ti reklamo a maipila kontra kadagitoy.
