LAOAG CITY – Inrakurak dagiti presidential aspirants babaen iti 2022 COMELEC debate dagiti kalikagumda a sektor ti gobierno a matutukan para iti panagdur-as ti ekmoiya nu bilang madutukan dagitoy kas sumaruno a presidente ti pagilian.
Segun ken ni presidential aspirant Ernesto Abella, ti sector ti Agrikultura ti masapol a maiprayoridad gapu ta daytoy ti paggapoan ti inaldaw a kasapulan iti panagbiag.
Agparis da iti takder kenni Leody de Guzman ken inpetteng na a masapol a maikkat ti rice tarrif law kasta met nga isu ti pammati ni Mayor Isko Moreno.
Kabayatanna, agpapada a ti sektor ti Micro Small and Medium Enterprises ti inpkaaammo a kangrunaan nga iprayoridad da Manny Pacquiao, Leni Robredo, Ping Lacson kenni Norberto Gonzales.
Patien dagitoy a babaen iti panangbiag iti MSMEs ket adda ti pamastrekan dagiti Pilipino.
Kabayatanna, siyam laeng manipod iti 10 a presidential aspirants ti nagatendar iti nasao a debate kalpasan a saan a nagatendar ni dati a Sen. Bongbong Marcos.
