Inbatad ni Gobernador Cecilia Araneta Marcos a maipangruna a pondoan ti Gobierno Probinsial ti Ilocos Norte dagiti sektor ti agrikultura, pagkalapan ken salun-at inton umay a tawen.
Segun iti Gobernador, mailatang ti dakkel a paset ti pondo kadagiti sektor ti agrikultura ken pagkalapan tapno mapabileg dagitoy a sektor ken maitag-ay ti food security wenno seguridad ti taraon iti probinsia.
Malaksid iti daytoy, karaman pay iti prioridad ti probinsia ti sektor ti salun-at, a gagem a mapapigsa ken mapalawa ti pannakaipaay ti serbisio medikal kadagiti umili.
Kabayatanna, impaganetget pay ti gobernador ti napateg a paset ti suporta ken pondo manipud iti Gobierno Nasional, nangruna iti Opisina ti Presidente tapno masigurado ti pannakaipatungpal dagiti programa ken proyekto a mangipangpangruna iti salun-at ken pagimbagan dagiti Ilocano.
