LAOAG CITY – Inlawlawag ni Mr. Ismael Ali, ti presidente ti Ilocos Norte United Muslim Association (INUMA) a kageddan ti panangselebrar da ti Eidl Adha ket ti panagsurot da iti health protocols gapo iti covid-19 pandemic.
Segun kenni Ali, tapno maiyuswat da latta ti panagkararag da iti Eidl Adha ket isuda laengen nga opisyal ti napan iti simbaan da.
Inbatad na a dagiti kakadua da a Muslim ket nagkararag ken agselebrar iti bukod da a pagtaengan.
Kunana a gapo ta adda iti babaen ti MECQ ti ciudad ti Laoag ket iti ili ti Paoay ti nakapartian dagiti 70 a kalding ken tallo a baka ken maibunong to daytoy kadagiti kakadua da a Muslim.
Mainaig iti daytoy, kunana pay nga adda ti naawat da a kwarta manipud met laeng kadagiti Muslim nga adda iti sabali a pagilyan ken daytoy ket maipaay kadagiti kakabsat da nga agkasapulan.
