LAOAG CITY – Nagballigi ti pannakaiyuswat ti seminar kadagiti 80 Violence Against Women (VAW) Desk Officer kadagiti nagduduma a barangay ditoy ciudad ti Laoag.
Segun kenni Mrs. Mary Joan Pasugui, Focal Person ti Local Committee against Trafficking Violence against Women and their Children ditoy siudad ti Laoag, dakkel ti akem ti barangay iti pannakasalaknib dagiti babbai ken ubbing manipod iti possible a pannakaabuso kadakuada babaen ti Violence Against Women (VAW) Desk.
Kunana a kabayatan ti seminar ket naipaadal kadagiti maseknan no ania dagiti aramiden no adda ti kastoy a problema iti masakupan da a barangay ken naipaayan pay ti barangay ti emergency first aid kit.
Mainaig iti daytoy, kuna ni Pasugui nga inbilin ni Mayor James Bryan Alcid a masapol ti pannakatratar a naimbag dagiti mairepreport a panagabuso ditoy ciudad ti Laoag.
Patien na a babaen ti usto a pannakaipatungpal ti linteg ti Violence Against Women ket maprotehiran ti tunggal maysa.
