LAOAG CITY – Kinumpirmaran ti Bureau of Immigration (BI) a nairamanen iti Lookout Bulletin Order (ILBO) ni Senador Ronald dela Rosa.
Kagiddan daytoy ti rekomendasion ni Justice Secretary Fredderick Vida.
Inlawlawag ni Vida a nagibasaranda ti Immigration Lookout Bulletin Order ti valid nga International Criminal Court (ICC) arrest warrant kontra ken ni dela Rosa.
Adda ti pending request ti Department of Justice (DOJ) manipud iti International Criminal Court para iti pannakaiserbi ti nasao a warrant of arrest kontra iti Senador.
Iyur-uray laengen ti Department of Justice a mangiparuk-at ti resolusion ti Korte iti mosyon ni Dela Rosa.
No bilang maresolbar aminen ti legal issues ket insigida nga ipatungpalda ti arrest warrant kontra ken ni Dela Rosa.
Iti agdama, addan ti impormasionda no sadinno ita ti Senador.
