LAOAG CITY – Nagpila ti reklamo ti maysa nga abogado ti ethics complaint kontra ken ni Senate Deputy Majority Leader ken Ethics Committee Chair Senador JV Ejercito, gapu iti maipagarop a panagbaybay-a na iti obligasyon na kalpasan a maipagarop a saanna a panangtratar ti reklamo kontra ken ni Senador Francis “Chiz” Escudero.
Kinumpirmaran ni Ejercito a naawat na ti reklamo ni Atty. Marvin Aceron, a nangibaga a nasuok a 109 nga aldawen ti napalabas sipud nagpil ti reklamo kontra ken ni Escudero ngem maipagarop nga awan pay ti inaramid na, karaman ti panangdutuk ti case number wenno panangipaay ti abiso.
Inlawlawag ni Ejercito, a saan pay a mabalin a mangisayangkat ti panagdengngeg ti ethics committee gapu ta saan pay a naan-anay a nabukel.
Inpetteng na a suruten ti senado dagiti pagannurutan ken
due process, ken denggen dagiti kaso maibasar iti panagsasaruno ti panagpila apaman a makompleto ti komite.
Ti reklamo kontra ken ni Escudero ket adda ti pakainaigan ti ₱30-milyon a campaign donation a naawat na idi 2022 manipod iti kontratista a ni Lawrence Lubiano.
Immunan nga inpetteng ni Escudero a ti donasyon ket legal ken naideklarar, ken idi Nobyembre 2025, nadalusanen ti Political Finance and Affairs Department (PFAD) ti Commission on Elections da Escudero ken Lubiano kalpasan a naestablisar ti agduma a legal entity ni Lubiano ken ti kumpanya na.
Iti babaen ti Omnibus Election Code, maipawil ti political donations manipod kadagiti kontratista ti gobyerno.
