LAOAG CITY – Nangipila ni acting chairperson of Senate Blue Ribbon Committee Erwin Tulfo ti Senate Bill No. 1409 a gagem nga ikkaten ti agdama a travel tax nga ipatpataw kadagiti biahero gapu ta basar kenkuana, daytoy ket manglaplapped iti karebbengan dagiti Pilipino a makapagbiahe.
Inbatad ni Tulfo, gagem ti gakat nga agbalin a nalaklaka ken accessible ti panagbiahe para kadagiti Filipino ken maiyallubog daytoy iti ASEAN Tourism Agreement a pinirmaan ti Pilipinas idi 2002.
Iti agdama, ti koleksion manipud iti travel tax ket naiyalokar kadagiti nagduduma nga ahensia kas iti Tourism Infrastructure and Enterprise Zone Authority nga addaan ti 50%, 40% met iti Commission on Higher Education (CHED) ken 10% iti National Commission for Culture and the Arts (NCCA).
Basar iti agdama a travel tax rates, dumanon iti P1,620 agingga iti P2,700 ti economy agingga iti first-class, P810 agingga iti P1,350 met para iti standard reduced ken P300 agingga iti P400 para kadagiti dependents ti overseas Filipino workers (OFWs).
