LAOAG CITY – Inbatad ni Senador Erwin Tulfo a saanna a patien a ti 2026 national budget ket mausar a pangpondo ti pannakaipila manen ti impeachment bid kontra Ken ni Vice President Sara Duterte.
Sungbat daytoy ni Tulfo, vice chairman ti Senate finance committee, iti alegasyon ni Senador Imee Marcos a ti 2026 budget ket nabingbingay tapno maipursige manen ti impeachment ti Duterte.
Immunan nga inakusaran ni Senador Imee a ti 2026 General Appropriations Act (GAA), a pinirmaan laeng iti kallabes ti kabsat na a ni President Ferdinand “Bongbong” Marcos Jr., ket saan a developmental budget ngem ketdi “political” budget.
Segun kenkuana, ti baro nga impeachment complaint ket mabalin a mapilaan kontra Ken ni Vice President Duterte intono Pebrero, apaman nga agngudo ti mandato ti kontitusyon nga one-year ban para iti nasao a reklamo.
Kabayatanna, inlawlawag met ni Senador Sherwin Gatchalian, chairman ti Senate committee on finance, a ti impeachment bid kontra ken ni Duterte ket saan a napagsasaritaan kabayatan ti deliberasyon ti 2026 national budget.
