LAOAG CITY – Mamati ni Senador Chiz Escudero a ti naipila nga ethics complaint kontra kenkuana ket pannusa iti panangdakamatna ken ni dati nga Speaker Martin Romualdez nga akin-utek ti maanomalya a flood control projects.
Iti statement nga inruar ni Escudero ket addaan daytoy ti #SelectiveJustice ken #LabananAngScriptNiMartin.
Inbatad ni Escudero a saan daytoy a nakigtot iti panangipila ti reklamo kenkuana iti Senate Ethics Committee ti maysa a private citizen mainaig iti panangawatna ti campaign donations idi 2022 manipud iti maysa a contractor.
Inpettengna a daytoy ket kas paset ti harassment manipud kadagiti minions ni Romualdez.
Inlawlawagna a daytoy ket saanen a maipanggep iti ethics no diket political retribution wenno pannusa kenkuana.
Innayonna a daytoy ket paset pay laeng ti script ken desperado a panangkalob ken nakasagana ti Senador nga ibutaktak ti politically motivated iti likudan dagiti isyu nga immunan nga inbutaktakna kontra ken ni Romualdez.
