LAOAG CITY – Nagyaman ni Senator Francis “Chiz” Escudero ken ni Presidente Ferdinand Marcos Jr. iti insigida a panagpirmana iti Republic Act No. 12326, maipapan iti panangikabil iti lima a tawen ti termino para kadagiti opisial ti barangay ken Sangunaing Kabataan (SK).
Kas nagipauna ti nasao a dati a lungalong iti Senado, inbatad ni Escudero a kalikagum ti linteg a maadaan ti nasayaat a siklo ti opisial iti barangay.
Segun kenkuana, ti naatatiddog a termino ket mangted kadagiti opisial ti naan-anay a panawen tapno maplano, maipatungpal ken matingitingda a nalaing dagiti programa ken serbisioda.
Inpetteng ni Escudero a napateg ti papel ti barangay kas frontliner ti gobierno iti panangipaay ti serbiso iti publiko.
Kabayatanna, iti salinong ti baro a linteg, maiyakar inton Nobiembre 2028 ti sumaruno a Barangay ken Sanguniang Kabataan Elections (BSKE).
