LAOAG CITY –Sinita ni Senate Impeachment Court Presiding Officer Francis ‘Chiz’ Escudero ti abogado ni Vice President Sara Duterte gapu iti nagbalin a rakurakna mainaig iti Bar examination rating ti Bise Presidente.
Daytoy ket kalpasan iti agtultuloy nga impeachment trial bayat a manarimaan ti cross-examination ti defense counsel a ni Atty. Mark Vinluan kn ni NBI Regional Director Atty. Jeremy Lotoc a tumatakder kas testigo ti House prosecution panel.
Iti panagsaludsod, kuna ni Vinluan a maysa a nalaing nga abogado ni Vice President Duterte ken nakapasa iti Bar Exam iti umuna a gundaway no sadinno a nakagun-od daytoy ti 80 a porsiento a marka.
Adadda a nangatngato daytoy a grado ti Bise Presidente ngem kadagiti sumagmamano nga abogado nga adda iti impeachment court.
Insigida met nag-object ti miembro ti House prosecution panel a ni Atty. Amando Virgil Ligutan ken kunana nga awan ti pakainaiganna ti nasao a rakurak ti isiyu iti panagdengngeg.
Immanamong met ni Escudero ken nagpalagip ken ni Vinluan a liklikan dagiti rakurak a mabalin a makainsulto iti nagduduma nga baogado nga adda iti korte.
