LAOAG CITY – Nagturong ni Senador Jose Jinggoy Ejercito Estrada iti Sandiganbayan 5th Division tapno agkiddaw ti travel clearance para iti naituding nga ibibisita na idiay Hong Kong, Macau, ken Japan manipod Marso 31 agingga iti Abril 5 ita a tawen.
Obligado ti agpanpanday linteg a pormal nga agpakada ken agkiddaw ti pammalubos iti anti-graft court tunggal rumuar ti pagilian gapu ta sumangsango paylaeng daytoy iti 11 a nakapenpen a kaso ti graft.
Maipalagip a dagiti nabatbati a kaso ket konektado iti isyu ti Priority Development Assistance Fund (PDAF), no sadinno nga immunan a naabsuwelto ni Estrada iti kaso a plunder.
Binaliktad pay ti korte idi Agosto ti conviction para na para iti direct and indirect bribery.
Naakusaran ni Estrada babaen ken ni dati a Public Works assistant district engineer Brice Hernandez a maipagarop a nagkiddaw ti 30 a porsyento a cut manipod iti P355 milyon nga alokasyon para kadagiti flood control projects iti umuna a distrito ti Bulacan.
Naiget a naglikudan ni Estrada ti alegasyon, ken inpetteng na a ti naglabasan na mainaig iti PDAF ti makaigapu no apay nga agbalbalin nga easy target dagiti akusasyon ti korapsyon.
