LAOAG CITY – Inpakaammo ni Senador Sherwin Gatchalian a mabalin nga adda pay dadduma a ganggannaet nga agpammarang a Pilipino kalpasan nga inpalgak ti National Bureau of Investigation (NBI) ti imbestigasion nga agpada nga tao ni suspended Bamban Mayor Alice Guo ken Chinese national a ni Guo Hua Ping kalpasan a nagpada ti finger print-da.
Segun iti Senador a mabalin nga ad-adu pay ti kas ken ni Alice Guo a saan laeng a high profile.
Inbatad na, maimbestigaran ni Guo gapu iti political office na ken ti relasion na iti raided Philippine Offshore Gaming Operator hub iti Bamban, Tarlac.
Mainaig iti daytoy, kinuna ti Senadora kitkitaenda pay dagiti report a mainaig kadagiti Chinese wenno ganggannaet a gumatang iti daga tapno mangirugi iti bukodda a negosio ken posible a saan nga umiso ti panangusarda iti late birth registration a kapada ti inaramid ni Guo.
Kabayatanna, kinunana a rumbeng a maimbestigaran dagiti nadakamat a banag tapnu makita ti modus operandi dagiti adda iti likudan dagiti nadakamat nga aktibidad.
