LAOAG CITY – Nagpanawagan ni Senador Sherwin Gatchalian para iti naig-iget a pannakaipatungpal ti fire prevention measures kadagiti lokal a gobierno kalpasan ti nagsasaruno nga insidente ti uram iti nagduduma a paset ti pagilian , a pinakaro ti nakaro a kinabara ti panawen.
Inpetteng ni Gatchalian a masapol a mapaigetan met ti panaginspeksyon kadagiti ilegal a koneksyon ti kuryente dagiti power distributors tapno maliklikan ti kapada nga insidente.
Ti panawagan ket inaramid ni Gatchalian kalpasan ti panagbisita na iti Barangay Sta. Ana, Taguig City, nga iti laeng kallabes ket naapektaran ti nalawa nga uram.
Basar kadagiti otoridad, rumrumuar a possible nga illegal a power connection wenno “jumper” ti makaigapu iti napasamak nga uram.
Mainaig iti daytoy, nagpanawagan pay ni Gatchalian kadagiti Local Government Unit (LGU), local fire bureau personnel, ken dagiti power distributor a paigetan ti panangipatungpal ti fire safety measures, karaman ti regular a safety inspections, tapno maliklikan ti uram.
