LAOAG CITY – Saan a pabor ni Sen. Sherwin Gatchalian, Chairman ng Senate Committee on Basic Education, Arts and Culture iti lungalong ti maysa a grupo dagiti mangisursuro mainaig iti “pass of fail grading system” para iti distance learning iti school year 2020-2021.
Iti eksklusibo nga interview ti Bombo Radyo Laoag kenni Sen. Gatchalian, saan a makita ti pagkapsotan dagiti agad-adal ken saan nga alisto a matulungan no maipatungpal ti nasao a sistema.
Inpetteng na a masapol a suruten ti anyaman nga aramiden ti Department of Education (DepEd) seknan iti grading system a mangipakita ti kabaelan ti maysa nga agad-adal.
Segun kenni Gatchalian, gagem ti benneg ti edukasyon a matulungan dagiti estudyante tgapo ta ti napateg ket adda ti maadal dagitoy.
Mamati ni Gatchalian a ti agdama a grading system ket-ad adda a makatulong dagiti estudyante ken ditoy a maamaon ti pagkapsotan ken maysa a wagas tapno saan a marigatan ti ubing iti sumaruno a school year.
Kabayatanna, kuna ni Gatchalian nga ad-adda a maadalan dagiti estudyante no sumrek iti pagadalan ngem gapo iti sitwasyon ket ti distance learning ti kangrunaan a makatulong kadagitoy.
Kunana a babaen iti daytoy a wagas ti panagklase ken iti tulong dagiti nagannak ket saan a paudi dagiti annak no maipanggep iti akademya.
Inlawlawag na a masapol ket agtultuloy ti panagbasa dagiti ubbing tapno saan nga agkaproblema ken saan a mangitunda ti panagdrop-out na.
