LAOAG CITY – Kinarit ni Senador Imee Marcos ti kaanakanna a ni House Deputy Majority Leader Sandro Marcos nga agpa-hair follicle test ti pamiliada.
Daytoy ket kagiddan iti nagbalin nga akusasion ni Sen. Imee iti kabsatna a ni Presidente Ferdinand Marcos Jr. ken ni First Lady Liza Araneta-Marcos nga agus-usar ti iligal a droga.
Iti social media post ti Senadora, kunana nga arig kalikagum nga iwaras ni Cong. Sandro ti maipanggep a saan a pudno isuna a kabsat ti Presidente.
Iti sungbat ni Cong. Sandro, inlawlawagna a saan a talugading ti maysa a pudno a kabsat ti inaramid ni Sen. Marcos ken agpapada nga awan ti kinapudnona ti rakurakna a gagem a riribuken ti administrasion ken maitandudo ti gagemna iti pulitika.
Gapu iti daytoy, inpetteng ni Sen. Marcos a maysa laeng ti solusion ken daytoy ket ti panagpa-DNA test–na ken agpa-hair follicle test ti first family tapno paneknekan a saan a pudno ti rakurakna iti rally ti Iglesia Ni Cristo.
