LAOAG CITY – Imbilin ti Sandiganbayan Fifth Division ti kanayonan a 90 nga aldaw a preventive suspension ken ni Senator Jinggoy Estrada kabayatan a sumangsango daytoy iti kaso a plunder gapu iti maipagarup nga anomalya iti flood control projects.
Ti nasao a pammilin ken pinirmaan ni Associate Justice Zaldy Trespeses kageddan ti panagleppas ti umuna a pannakasuspenso nga inpataw ti Sandiganbayan Second Division idi Hunio.
Imbilinna pay a kasapulan a maipaayan ti kopia ti Office of the President mainaig iti nasao a pammilin.
Innayonna pay a naresolbar dan dagiti amin a mosion a mangkuestionar iti validity ti case information a naglaon ti formal charges kontra ken ni Estrada.
Sumangsango ni Estrada ti kaso a graft no sadinno nga otomatiko ti pannakapataw ti 90 nga aldaw suspension kontra iti opisial.
