LAOAG CITY – Personal a nangisumitir ni Senador Joel Villanueva ti counter-affidavit na iti Department of Justice (DOJ) mainaig iti malversation complaint a naipila kontra kenkuana maipanggep iti maipagarop nga anomaly iti flood control projects.
Daytoy ket basar ken ni Justice spokesperson Polo Martinez.
Ni Villanueva ket respondent iti tallo a reklamo mainaig iti maipagarop a ghost flood control projects iti Bulacan nga adda ti pakainaigan dagiti contracting firms a Wawao Builders ken Topnotch Catalyst Builders Inc.
Naikkan ni Villanueva ti agingga iti Enero 26 tapno mangisumitir ti counter-affidavit iti maysa kadagiti kaso na kalpasan a naikkan ti extension.
Iti laeng napalabas a bolan, nangisumitiren ni Villanueva ti counter-affidavit para iti graft complaint a mangibagbaga nga adda ti delivery ti sumuruk-kumurang a P150 million a kickbacks manipod iti maysa a flood control project.
Naitudo ni Villanueva iti kontrobersiyal ni dati a Bulacan first district engineer a ni Henry Alcantara idi Setyembre 2025, nga iti saan a nagbayag ket naikkat iti serbisyo.
Inpetteng met ni Villanueva nga awan ti ilemlemmengna.
Uray iti isyu ni dati a Bulacan 1st district assistant engineer Brice Hernandez ket naitudo ni Villanueva, ngem inawagan ti senador kas “demolition job” dagiti akusasyon kenkuana.
