LAOAG CITY – Inpetteng ni Senador JV Ejercito, chairperson ti Senate Committee on Ethics and Privileges, a saan nga isuna ti rumbeng pabasulen iti saan a pannakatratar kadagiti nakapenpen nga ethics complaints gapu ta saan pay a naan-anay a nabukel ken napagbalin a pormal iti plenaryo ti komite.
Segun iti senador, isuna laeng ti nadutukan a miembro ti komite ken awan pay ti umdas a miembro tapno makaiwayat ti taripnong wenno makapagtrabaho.
Inlawlawag na nga idi Oktubre 2025 laeng a nadutukan kas chairman ti komite, maysa nga aldaw sakbay a nag-adjourn ti Senado, ken iti panagsubli ti sesyon ket dagus a tinutukan dagiti senador ti budget deliberations.
Naamoan nga adda ti lima agingga iti innem nga ethics complaints a nakapenpen, karaman ditoy ti reklamo nga inpila ni Atty. Eldrige Marvin Aceron mainaig iti maipagarop a saan a panangtratar iti kaso kontra ken ni senador Francis Escudero.
Inpetteng pay ni Ejercito nga ag-inhibit daytoy no bilang matratar ti reklamo kontra kenkuana.
