LAOAG CITY – Plano ni Sen. JV Ejercito a mangangay iti Oversight Committee hearing maipapan iti pannakaipatungpal ti Universal Health Care Law.
Segun kenni Ejercito, plano na nga ipatungpal daytoy inton umay a tawen kagiddan ti maikalima a tawen a mailunhlungalong ti gakat.
Kinunana a konektado pay laeng daytoy iti panaggasto ti badyet ti Philippine Health Insurance Corporation (PhilHealth) ken daytoy ket tapno masigurado a saan a nagkurang ti ahesya kadagiti benepisiario maipapan kadagiti kasapulan da.
Maipalagip nga immuna nga inbatad ni Ejercito nga immanamong dagiti senador a kissayan bassit ti subsidiya ti gobierno iti PhilHealth, manipud iti P73 billion ket pinababa ti Senado ti subsidy allocation iti PhilHealth iti P68 billion iti babaen ti final version ti 2025 budget bill.
Kabayatanna, sakupen ti subsidiya ti gobierno dagiti indirect contributors ti PhilHealth kas kadagiti marigrigat nga umili.
